عبد المسيح للجيش: "أنت وحدك بتحمينا وعنك ما منتخلى"

الرئيسية سياسة / Ecco Watan

الكاتب : المحرر السياسي

Aug 01 25|13:36PM :نشر بتاريخ

 كتب النائب أديب عبد المسيح عبر حسابه على منصة "اكس": بتحب الجيش اللبناني؟ حب عقيدته، ضباطه الأكفاء، رتباءه المتمرّسين، وجنوده الشجعان. علّم ولادك إنو السلاح الشرعي الوحيد هو سلاحه، وتناول من طعامه لتعرف طعمة اللقمة اللي بياكلها يلي بيسهر على حمايتك. تدرب متله، حتى تِقدّر الانضباط يلي بيعيشه، وعيش تجربته بالوحل والمطر والصقيع، لتعرف شو يعني مهمات ما بتوقف بوجهها لا عاصفة ولا برد.

رافقه بمسيرته لتعرف كيف تدافع عن حقوقه، خاصة ببلد عم ينهبوه كمّ حرامية، على حساب جيبته وتعبه ودمّه. خليك معه على نفس المركب، لأنو هو وحده بيحميك بلا شروط، وما بيسألك لا عن زعيمك ولا عن طايفتك.

إذا بتحب لبنان، حب جيشك، وقف حده، وكن درعا له كما هو درعا لك. إنت وحدك بتحمينا، وعنّك ما منتخلى يا جيش بلادي. من قلبي ومن قلوب ولادي، كل الحب لإلك. وكل سنة وإنت أقوى".