قصيدة شكر: رجعة البيت التنوخي العريق

الرئيسية مقالات / Ecco Watan

الكاتب : محرر الصفحة

Sep 01 26|13:34PM :نشر بتاريخ

كتبت الفاطمية في إيكو وطن:

"بسم الله الرحمن الرحيم

يا رجعة البيت التنوخي العريق
يا رجعة الأرض السعيدة للفريق
مبروك يا إخوان يرجع للحمى 
بيت الأمير السيد الصرح العتيق

مبروك يا إخوان هالبيت الأنيس
بيت الإمام العارف الحبر الرئيس
عطر الطهارة فاح منو عالورى 
ونسّم على الأخيار بالزهر النفيس 

شميت من نفحات طيبو المعرفة
وأنفاس من فيض الحقيقة مهفهفي
يالوحة حكايات بتروح وتجي
وتحمل معا "مرايات" بالسر الخفي

يا بيت حدك كل بيت بينحني
وحولك صدى الأيّام فرحة ملوني
ياما حمل هالبيت أثقال وعَنا
وياما بَذَل كرمالنا دين ودني

مشكور يللي رجّع البيت الأصيل
وكل مين بالمعروف ساهم والجميل
اسماءكن بحروف عز تخلدوا
وإيدَين بيضا ما غلبها المستحيل

بالإبتدا وبالإنتها بكل الحنين
كلنا سوا منشكر إله العالمين
سخر لنا الأقدار والبيت انثنى 
راجع لأهل الخير ع كفوف الهنا
كلنا سوا منشكر إله العالمين"